الشروط والأحكام

1. طبيعة المنصّة — إحنا وسيط

«اتفقنا» منصّة وسيطة بتوصّل العميل بالصنايعي والمهندس والمقاول والتاجر، وبتوفّر أدوات الحساب وإدارة الاتفاق. المنصّة مش طرف في تنفيذ الشغل، لكنها بتنظّم العلاقة بين الأطراف وبتاخد نسبة (عمولة) نظير خدمة التوصيل وتأمين الاتفاق.

2. العمولة والدفع

• المنصّة بتحصّل عمولة على كل صفقة تتم من خلالها.
• مفيش تحويل كامل للمبلغ للصنايعي قبل إتمام الشغل. المبلغ بيفضل موقوف (Escrow) لحد ما العميل يأكّد إن الشغل خلص، وبعدها بيتحرّر للطرف المنفّذ.
• الأسعار والاتفاق النهائي بيتم بين الطرفين داخل المنصّة بشفافية.

3. سياسة الاسترجاع

لو العميل دفع عمولة المنصّة وحجز صفقة، والطرف المنفّذ مجاش أو هرب أو ماكمّلش الشغلمن غير سبب مقبول:

• العميل بيسترجع المبلغ الموقوف حسب حالة الصفقة.
• بيتبعت إنذار للطرف المخالف ويتسجّل في حسابه.
• بيتخصم من تقييمه، وبيظهر ده لباقي العملاء.

4. نظام الإنذارات والحظر

عشان نحافظ على جودة السوق وثقة العملاء، بنطبّق نظام إنذارات واضح:

• الإنذار الأول: تنبيه يتسجّل في الحساب مع خصم من التقييم.
• الإنذار الثاني: خصم أكبر من التقييم وتقييد ظهور الحساب في النتائج.
• الإنذار الثالث: حظر الحساب نهائيًا من المنصّة.

المخالفات بتشمل: عدم الحضور، الهروب بعد الاتفاق، محاولة إتمام الصفقة خارج المنصّة للتهرّب من العمولة، أو تقديم بيانات مضلّلة.

5. التعامل خارج المنصّة

محاولة تبادل بيانات التواصل أو إتمام الصفقة خارج المنصّة بغرض التهرّب من العمولة مخالفة، وبتعرّض الحساب للإنذار أو الحظر.

6. المسؤولية

المنصّة بتبذل مجهودها في تنظيم وتأمين الاتفاق، لكن جودة التنفيذ مسؤولية الطرف المنفّذ. في حالة النزاع، بيتم الرجوع لأدوات النزاع داخل المنصّة.